ସୁନାବେଶରେ ଭକ୍ତଙ୍କୁ ଦର୍ଶନ ଦେଲେ ମହାପ୍ରଭୁ

ଢେଙ୍କାନାଳ,(ସା.ଆ.ମି ): ଆଜି ହରିଶୟନ ଏକାଦଶୀ ଥିବାରୁ ଢେଙ୍କାନାଳରେ ରଥରେ ମହାପ୍ରଭୁ ଶ୍ରୀ ଜଗନ୍ନାଥଙ୍କ ସୁନାବେଶ ଅନୁଷ୍ଠିତ ହୋଇଥିଲା। ସୁନା ମୁକୁଟ, ସୁନା ବାହୁ,ସୁନା ଚକ୍ର, ସୁନା ସଂଖ, ସୁନା କମରପଟି,ଶ୍ରୀପୟର ଲାଗି କରାଯାଇଥିଲା l ଫୁଲହାରରେ ଠାକୁରଙ୍କୁ ସୁସଜ୍ଜିତ କରାଯାଇଥିଲା। ରାଜ ପରିବାରର ପକ୍ଷରୁ ମଙ୍ଗଳାର୍ପଣ ପୂଜା ଓ ବନ୍ଦାପନା ତଥା ୧୦୮ ଆଳତି କରାଯାଇଥିଲା। ରାଜପୁରୋଧାଙ୍କ ଦ୍ବାରା ପୂଜାର୍ଚ୍ଚନା କରାଯାଇଥିଲା। ଯୁବରାଜ ଅମରଜ୍ୟୋତି ସିଂହଦେଓଙ୍କ ଉପସ୍ଥିତିରେ ଏହି ପୂଜା ହୋଇଥିଲା। ମନ୍ଦିର ପୂଜକ ମଳୟ କର, ପୂଜକ ମନସୁମନ ମିଶ୍ର, ପୂଜକ ଶ୍ରୀବତ୍ସ ମିଶ୍ର ମନ୍ଦିର ଜିମାଦାର ଶ୍ୟାମସୁନ୍ଦର ପାଣିଗ୍ରାହୀଙ୍କ ଉପସ୍ଥିତିରେ ଏହି ସୁନାବେଶ ଅନୁଷ୍ଠିତ ହୋଇଥିଲା। ଏହି ସୁନାବେଶ ଦେଖିବାକୁ ବହୁ ଭକ୍ତଙ୍କ ଭିଡ଼ ଜମିଛି। ଜିଲ୍ଲା ପ୍ରଶାସନ ଓ ସୁରକ୍ଷା ବିଭାଗ ପକ୍ଷରୁ ମଧ୍ୟ ଉତ୍ତମ ସେବା ପ୍ରଦାନ କରାଯାଇଛି l