ମେଧା ପ୍ରତିଭା ଅମ୍ରିତା ପ୍ରିୟଦର୍ଶିନୀ ବେଉରା ପୁରସ୍କୃତ

କଟକ : (ସାରାଆକାଶ): ସରସ୍ଵତୀ କଳା ପରିଷଦ ପକ୍ଷରୁ ଵୟାଳିଶମୌଜା ଚନ୍ଦୁଳି ସ୍ଥିତ ବଳୀ ବାମନ ପୀଠରେ ଅନୁଷ୍ଠିତ ହୋଇଥିବା ସମ୍ବର୍ଧନା ପର୍ବରେ ବରାଳ ମହେନ୍ଦ୍ର ସ୍ମୃତି ନୀଳକଣ୍ଠ ନାଥ ବିଦ୍ୟାପୀଠ ନବମ ଶ୍ରେଣୀର ଛାତ୍ରୀ ଅମ୍ରିତା ପ୍ରିୟଦର୍ଶିନୀ ବେଉରାଙ୍କୁ ଶିକ୍ଷାଲାଭ,ବକ୍ତୃତା ପ୍ରତିଯୋଗିତା, କୁଇଜ୍,ଚିତ୍ରକଳା ଦିଗରେ ଉଲ୍ଲେଖନୀୟ କୃତିତ୍ୱ ନେଇ ସମ୍ବର୍ଦ୍ଧିତ କରାଯାଇଛି । ଏହି ସମ୍ୱର୍ଦ୍ଧନା ସଭାରେ ପରିଷଦର ସମ୍ପାଦକ ଆଶୋକ ପଟ୍ଟନାୟକ,ସଂଯୋଜକ ଇଂ.ସେବକ ଶ୍ରୀକାନ୍ତ,ପ୍ରଧ୍ୟାପକ ପ୍ରଫୁଲ୍ଲ ଦାସ,ସୁବାସ ଚଂଦ୍ର ସାହୁ,ଚଂଦ୍ର ଶେଖର ପତି,ସୀତାରାମ ପଣ୍ଡା,ସନ୍ତୋଷ ସାହୁ ପ୍ରମୁଖ ଉପସ୍ଥିତ ଥିଲେ । ମେଧା ପ୍ରତିଭା ଅମ୍ରିତା କୂଳସରିଚୁଆଁ ପଞ୍ଚାୟତ ବରାଳ ଗ୍ରାମର ନିବାସୀ କଣ୍ଠଶିଳ୍ପୀ ସନାତନ ବେଉରା ଓ ମାନୁ ବେଉରାଙ୍କ ସୁକନ୍ୟା ଅଟନ୍ତି । ସେ ବିଦ୍ୟାଳୟ ତଥା ରାଜ୍ୟ ସ୍ତରୀୟ ବହୁ ସଙ୍ଗଠନ ଦ୍ୱାରା ଆୟୋଜିତ ବିଭିନ୍ନ ପ୍ରତିଯୋଗିତାରେ ଅଂଶ ଗ୍ରହଣ କରି ବିଜୟଲାଭ କରି ସମ୍ବର୍ଦ୍ଧିତ ହୋଇଛନ୍ତି ।