ମତ୍ସ୍ୟ ଓ ପ୍ରାଣୀ ସମ୍ପଦ ମେଳା ଆୟୋଜନର ଦିତ୍ୱୀୟ ପ୍ରସ୍ତୁତି ବୈଠକ ଅନୁଷ୍ଠିତ

ଢେଙ୍କାନାଳ :ତା :2/11/23- (ସା ଆ ମି )ଆଜି ପୂର୍ବାହ୍ନ ରେ ଜିଲ୍ଲାପାଳ କାର୍ଯ୍ୟାଳୟସ୍ଥିତ ସଦଭାବନା ସଭା ଗୃହରେ ଜିଲ୍ଲାପାଳ ଶ୍ରୀ ମନୋରଞ୍ଜନ ମଲ୍ଲିକଙ୍କ ଅଧ୍ୟକ୍ଷତାରେ ମତ୍ସ ଓ ପ୍ରାଣୀ ସମ୍ପଦ ମେଳା ଆୟୋଜନର ଦିତ୍ୱୀୟ ପ୍ରସ୍ତୁତି ବୈଠକ ଅନୁଷ୍ଠିତ ହେଇଯାଇଛି l ନଭେମ୍ବର 21ଓ 22 ତାରିଖରେ ମହିଷାପାଟସ୍ଥିତ ପଲ୍ଲିଶ୍ରୀ ମେଳା ପଡିଆରେ ମତ୍ସ୍ୟ ଓ ପ୍ରାଣୀ ସମ୍ପଦ ମେଳା ଆୟୋଜିତ ହେବ l ଏହି 2ଦିନ ମେଳାରେ ଜିଲ୍ଲାର ପ୍ରାୟତଃ 1400 ଚାଷୀ ଯୋଗଦେବେ l ମେଳା ମାଧ୍ୟମରେ ଚାଷୀଙ୍କୁ ଚାଷ ସମ୍ବନ୍ଧରେ ନୂତନ ଜ୍ଞାନକୌଶଳ ଓ ଉନ୍ନତ ପଦ୍ଧତି ବିଷୟରେ ପ୍ରଶିକ୍ଷଣ ଓ ସଚେତନ କରାଯିବ l ଏହା ସହ ଚାଷୀମାନଙ୍କ ସହିତ କୃଷି ବିଜ୍ଞାନୀଙ୍କର ଏକ ଆଲୋଚନା ଚକ୍ର ଅନୁଷ୍ଠିତ ହେବ ଯାହାଫଳରେ ଚାଷୀମାନଙ୍କର ଚାଷ ସମ୍ବଦ୍ଧରେ ଜ୍ଞାନର ପରିସୀମା ବୃଦ୍ଧି ଘଟିବ l
ଏହି ବୈଠକରେ ଜିଲ୍ଲାପରିଷଦର ନିର୍ବାହୀ ଅଧିକାରୀ ଶ୍ରୀ ଜ୍ୟୋତିଶଙ୍କର ସାହୁ, ଜିଲ୍ଲା ମୁଖ୍ୟ ପ୍ରାଣୀସମ୍ପଦ ଅଧିକାରୀ ଡ. ଡମ୍ବୁରୁଧର ସାମଲ, ଜିଲ୍ଲା ମତ୍ସ୍ୟ ଅଧିକାରୀ ଡ. ସଂଗ୍ରାମ କେଶରୀ କର ଓ ସମ୍ପୃକ୍ତ ବିଭାଗୀୟ ଅଧିକାରୀମାନେ ଉପସ୍ଥିତ ଥିଲେ ଢେଙ୍କାନାଳରୁ ଜଗନ୍ନାଥ ନାୟକ ସାରାଆକାଶ.