ଦିର୍ଘ ୩୩ ବର୍ଷ ଧରି ସମାଜସେବା ସହ ୧୨ ବର୍ଷରୁ ଉର୍ଦ୍ଧ ଧରି ରାଜନେତା ଭାବେ କାର୍ଯ୍ୟରତ

କିଶନନଗର : ସମାଜସେବା,ରକ୍ତଦାନ ସେବା ଅଭିଯାନ,ପରିବେଶ ସୁରକ୍ଷାରେ ସମର୍ପିତ ଦୀପକ କୁମାର ଚୌଧୁରୀ ଏକ ନିଆରା ମଣିଷ । କେନ୍ଦ୍ରୀୟ ରକ୍ତଭଣ୍ଡାର ଓଡ଼ିଶା ଶାଖା ଆୱାରନେସ କମିଟି ସଦସ୍ୟ ଭାବେ ଯୋଗଦାନ ପୂର୍ବକ ରକ୍ତଦାନ ମହାଅଭିଯାନକୁ ତ୍ଵରାନିତ୍ଵ କରାଉଛନ୍ତି । ଛାତ୍ର ଜୀବନରୁ ସମାଜର ଅବହେଳିତ ଥିବା ଲୋକମାନଙ୍କ ସେବାରେ ଦିର୍ଘ ୩୩ ବର୍ଷ ଧରି ସାଧନାରତ ପୁଣି ଜଣେ ଖ୍ୟାତିସମ୍ପନ୍ନ ରାଜନୀତିଜ୍ଞ ଭାବେ ୧୨ ବର୍ଷରୁ ଉର୍ଦ୍ଧ ସମୟ ହେବ କାର୍ଯ୍ୟରତ । ସେ ଏଯାବତ୍ ୫୩ ବର୍ଷ ବୟସରେ ୯୩ ଥର ରକ୍ତଦାନ କରିବା ସହ ଦୈନନ୍ଦିନ ଅସହାୟ ଲୋକ ମାନଙ୍କୁ ରକ୍ତ ଯୋଗାଇବା,ପ୍ରାକୃତିକ ଦୁର୍ବିପାକରେ ଜରୁରୀ କାଳୀନ ସ୍ଵାସ୍ଥ୍ୟ ସେବା,ଗ୍ରାମାଂଚଳରେ ଜନ ଜାଗରଣ ଆଦି ସହାୟତା ପ୍ରଦାନରେ ସେ ପ୍ରମୁଖ ଭୂମିକା ଗ୍ରହଣ କରିଛନ୍ତି । ରକ୍ତଦାନ ମହାସେବା ତଥା ସମାଜପ୍ରତି ତାଂକ ଉଲ୍ଲେଖନୀୟ ଅବଦାନ ପାଇଁ ସେ ବିଶ୍ୱ ରକ୍ତଦାତା ଦିବସରେ କେନ୍ଦ୍ରୀୟ ରେଡକ୍ରସ ରକ୍ତ ଭଣ୍ଡାର ପକ୍ଷରୁ ସମ୍ବର୍ଦ୍ଧିତ ଏଥିସହ ରାଜ୍ୟର ବହୁ ସଂଗଠନ ପକ୍ଷରୁ ଉଚ୍ଚ ପ୍ରଶଂସିତ ।