ଭୁବନେଶ୍ୱର ହାଣ୍ଡଲୁମ ହାଣ୍ଡିକ୍ରାପ୍ଟ ଆଣ୍ଡ କଞ୍ଜୁମର ମେଳା ମୁନସୁନ ଫେଷ୍ଟିଭାଲ ଆରମ୍ଭ

ଭୁବନେଶ୍ୱର: ଭୁବନେଶ୍ୱରସ୍ଥିତ ଖଣ୍ଡଗିରିର ଜାଗମରା ମେଲଣ ପଡ଼ିଆଠାରେ ବୁଧବାର ଠାରୁ ୧୯ ଦିନ ଧରି ଏସଇଏମ ପକ୍ଷରୁ ଆରମ୍ଭ ହୋଇଯାଇଛି ହାଣ୍ଡଲୁମ ହାଣ୍ଡିକ୍ରାପ୍ଟ ଆଣ୍ଡ କଞ୍ଜୁମର ମେଳା । ଏହି ମୁନସୁନ୍ ଫେଷ୍ଟିଭାଲକୁ ୬୩ ନମ୍ବର ୱାର୍ଡର କର୍ପୋରେଟର ସୁଜାତା ଛୋଟରାୟ ଉଦଘାଟନ କରିଥିବାବେଳେ ଏହି ମେଳାରେ ୧୫୦ ଟି ଷ୍ଟଲ ଲାଗିଥିବା ଦେଖିବାକୁ ମିଳିଛି । ଏହି ମେଳା ପ୍ରତ୍ୟେକ ଦିନ ଦିନ ୩ଟା ଠାରୁ ଆରମ୍ଭ ହୋଇ ରାତି ୧୦ ଟା ପର୍ଯ୍ୟନ୍ତ ଚାଲୁ ରହିବ ବୋଲି ଆୟୋଜନ କରିଥିବା ସଂସ୍ଥା ଏସ୍ଇଏମ୍ ପକ୍ଷରୁ ସୂଚନା ଦିଆଯାଇଛି । ଏଥିରେ ସମସ୍ତ ପ୍ରକାରର ଘର ସାଜସଜ୍ଜା ସରଞ୍ଜାମ ଠାରୁ ଆରମ୍ଭ କରି ଡ୍ରେସ୍, କସମେଟିକ ଏବଂ ଫୁଡ୍ ଷ୍ଟଲ ଲାଗିଥିବା ଦେଖିବାକୁ ମିଳିଛି । ଏହି ମୁନସୁନରେ ରାଜଧାନୀ ଭୁବନେଶ୍ୱରରେ ଏହା ଆରମ୍ଭ ହୋଇଥିବାରୁ ଲୋକଙ୍କ ଗଳହି ଦେଖିବାକୁ ମିଳିଥିବାବେଳେ ଗ୍ରାହକଙ୍କ ମନରେ ଆନନ୍ଦ ଦେଖିବାକୁ ମିଳିଛି । ତେବେ ଏହି ମେଳା ସ୍ଥାନୀୟ ଲୋକମାନଙ୍କ ପାଇଁ କିଣାକିଣିର ସୁବିଧା ସୃଷ୍ଟି କରୁଥିବାରୁ ଏହାକୁ ଚଳିତ ବର୍ଷ ଭଳି ଆଗକୁ ପ୍ରତିବର୍ଷ ଆୟୋଜନ କରାଯିବ ବୋଲି ସଂସ୍ଥାର ଆୟୋଜକ ସନ୍ତୋଷ କୁମାର ସାହୁ ଏବଂ ବସନ୍ତ କୁମାର ସାହୁ ଗଣମାଧ୍ୟମକୁ ସୂଚନା ଦେଇ କହିଛନ୍ତି ।