ସଡକ ଦୁର୍ଘଟଣାରେ ଗୋଟିଏ ପରିବାରର ୬ ମୃତ

ଅମରାବତୀ : ଆନ୍ଧ୍ରପ୍ରଦେଶର ପୂର୍ବ ଗୋଦାବରୀ ଜିଲାରେ ସୋମବାର ଏକ ବଡ ସଡକ ଦୁର୍ଘଟଣା ଘଟିଛି। ସକାଳେ ରାଜପଥରେ ରାସ୍ତା କଡରେ ଥିବା ଗାଡି ସହ ଏକ କାର ଧକ୍କା ହୋଇଛି। ଏହି ଦୁର୍ଘଟଣାରେ ଗୋଟିଏ ପରିବାରର ୬ ଜଣଙ୍କ ମୃତ୍ୟୁ ଘଟିଛି। ପୂର୍ବ ଗୋଦବରୀ ପୁଲିସଙ୍କ କହିବାନୁଯାୟୀ, ନଲ୍ଲାଚାରଲା ଗାଁ ନିକଟରେ ଏକ କାର ରାଜପଥ ଦେଇ ଅତିକ୍ରମ କରିବା ସମୟରେ ରାସ୍ତା କଡରେ ଛିଡା ହୋଇଥିବା ଗାଡି ସହ ଧକ୍କା ହୋଇଥିଲା।
ଏହି ଦୁର୍ଘଟଣାରେ ଗୋଟିଏ ପରିବାରର ୬ ଜଣଙ୍କ ଜୀବନ ଚାଲି ଯାଇଛି। ମୃତକଙ୍କ ମଧ୍ୟରେ ଏକ ଶିଶୁ ଓ ଦୁଇ ଜଣ ମହିଳା ମଧ୍ୟ ଅଛନ୍ତି। କାରରେ ଥିବା ଯାତ୍ରୀ ବିଜୟୱାଡାରୁ ରାଜାମହେନ୍ଦ୍ରବରମ ଯାଉଥିଲେ। ଖବର ପାଇ ପୁଲିସ ଘଟଣା ସ୍ଥଳରେ ପହଞ୍ଚି ମୃତଦେହ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇବା ସହ ଘଟଣାର ତଦନ୍ତ ଆରମ୍ଭ କରିଛି।