ଦନ୍ତା ହାତୀ ଆକ୍ରମଣରେ ବାଳକ ମୃତ

ଯୋରନ୍ଦା : ୬.୬: ଦନ୍ତା ହାତୀ ଆକ୍ରମଣରେ ଜଣେ ବାଳକର ମୃତ୍ୟୁ ହୋଇଯାଇଛି। ବାଳକଟିର ଘର କାଶିପୁର ଗ୍ରାମରେ । ସେ ଖରା ଛୁଟିରେ ଆରୂହଁl ଗ୍ରାମର ଚହଳିଆ ନାୟକ (ଅଜା)ଙ୍କ ଘରକୁ ବୁଲିବାକୁ ଆସିଥିଲା । ଆଜି ସକାଳୁ ସେ ଗାଁରେ ୫ଜଣ ସାଙ୍ଗଙ୍କ ସହିତ ପ୍ରାତଃ ଭ୍ରମଣରେ ଯାଇଥିଲା। ଯିବା ସମୟରେ ଗାଁ ପାଖରେ ଥିବା କାଜୁ ବଗିଚାରୁ ହଠାତ୍ ଗୋଟିଏ ଦନ୍ତା ହାତୀ ବାହାରି ଆସିଲା। ତା ସାଙ୍ଗରେ ଥିବା ସାଙ୍ଗମାନେ ଦୌଡ଼ି ପଳାଇ ଆସିଲେ । କିନ୍ତୁ ସେ ଦନ୍ତା ହାତୀ ସମ୍ମୁଖରେ ପଡ଼ିଗଲା । ହାତୀଟି ପିଲାଟିକୁ ଫୋପାଡି ଦେବା ସହ ଘଟଣା ସ୍ଥଳରେ ପିଲାଟିର ପ୍ରାଣବାୟୁ ଚାଲିଯାଇଥିଲା । କିଛି ସମୟ ମଧ୍ୟରେ ଖବର ପାଇ ବନ ବିଭାଗ ଅଧିକାରୀମାନେ ଘଟଣା ସ୍ଥଳରେ ପହଞ୍ଚି ସବକୁ ବ୍ୟବଚ୍ଛେଦ ପାଇଁ ଢେଙ୍କାନାଳ ମୁଖ୍ୟ ଡାକ୍ତରଖନାକୁ ପଠାଇଥିଲେ ।