ମହାତ୍ମା ଗାନ୍ଧୀଙ୍କ ୧୫୪ତମ ଜନ୍ମଜୟନ୍ତିରେ ୧୧୫ ୟୁନିଟି ରକ୍ତ ସଂଗ୍ରହ

ଓଡାପଡା: 02.10.23(ସା ଆ ମି ) ଆଜି ଜାତିର ଜନକ ମହାତ୍ମାଗାନ୍ଧୀଙ୍କ ୧୫୪ତମ ଜନ୍ମ ଜୟନ୍ତୀ ଉପଲକ୍ଷେ ଢେଙ୍କାନାଳ ଜିଲ୍ଲା ଓଡାପଡା ବ୍ଲକ ଵଦାଳୋ ଗ୍ରାମପଞ୍ଚାୟତର ଲକ୍ଷ୍ମୀପ୍ରିୟା ଉଚ୍ଚ ବିଦ୍ୟାଳୟରେ ବିଦ୍ୟାଳୟ ପୁରାତନ ଛାତ୍ରସଂଘ ଆନୁକୂଲ୍ୟରେ ଚଳିତ ବର୍ଷ ପଞ୍ଚମଥର ପାଇଁ ଏକ ସ୍ଵେଛାକୃତ ରକ୍ତଦାନଶିବିରର ଆୟୋଜନ ହୋଇଥିଲା ଯେଉଁଥିରେ ୧୧୫ୟୁନିଟି ରକ୍ତ ସଂଗ୍ରହ ହୋଇଥିଲା l ବିଦ୍ୟାଳୟ ପ୍ରତିଷ୍ଠାତା ଲକ୍ଷ୍ମୀପ୍ରିୟା ସାହୁ ପ୍ରଥମେ ଗାନ୍ଧୀ ଓ ଶାସ୍ତ୍ରୀଙ୍କ ପଟ୍ଟଚିତ୍ରରେ ମାଲ୍ୟର୍ପଣ ଓ ପ୍ରଦୀପ ପ୍ରଜ୍ବଳନ କରି ରକ୍ତଦାନ ଶିବିରର ଉଦଘାଟନ କରିଥିଲେ l ମୁଖ୍ୟ ଅତିଥି ଭାବରେ ହିନ୍ଦୋଳ ନିର୍ବାଚନ ମଣ୍ଡଳୀ ବିଧାୟିକା ସୀମାରାଣି ନାୟକ,ସମ୍ମାନିତ ଅତିଥି ଭାବରେ ନୟାଭାଗିରଥିପୁର ସରପଞ୍ଚ ଯତି ନାୟକ, ବିରିଷ୍ଠ ସମାଜ ସେବୀ ଜଗବନ୍ଧୁ ଦଳେଇ, ସଞ୍ଜୟ ନାଏକ, ବିଘ୍ନେଶ ସାହୁ, ଲକ୍ଷ୍ମୀପ୍ରିୟା ଉଚ୍ଚ ବିଦ୍ୟାଳୟ ପ୍ରଧାନ ଶିକ୍ଷକ ଯୁଗଳ କିଶୋର ସାହୁ ପ୍ରମୁଖ ଯୋଗଦେଇ ରକ୍ତଦାତା ଙ୍କୁଉତ୍ସାହିତ କରିଥିଲେ l ଢେଙ୍କାନାଳ ରକ୍ତଭଣ୍ଡାର କର୍ମଚାରୀ ପରମାନନ୍ଦ ପଣ୍ଡା, ରାକେଶ କୁମାର ବେହେରା, ତପନ ଜେନା, ବରୁଣ ସାହୁ ଓ ଅଜୟ ସ୍ୱାଇଁ ରକ୍ତ ସଂଗ୍ରହ କରିଥିଲେ l ପୁରାତନ ଛାତ୍ର ସଂଘର ସମସ୍ତ ସଦସ୍ୟମାନେ ସହଯୋଗ କରିଥିଲେ l ଓଡାପଡାରୁ ଜିତେନ୍ଦ୍ର କୁମାର ଧୀର ସାରାଆକାଶ.