ବନ୍ଧୁତା ଦିବସରେ ବୃକ୍ଷରୋପଣ

ଢେଙ୍କାନାଳ,(ସା ଆ ମି ): କାମାକ୍ଷାନଗର ବ୍ଲକ ଅନ୍ତର୍ଗତ କନ୍ତିଓପୁଟସାହି ପଞ୍ଚାୟତର କନ୍ତିଓପୁଟସାହି ଉଚ୍ଚବିଦ୍ୟାଳୟ ପରିସରରେ ଓଜେଲ ଚାରିଟେବୁଲ ଟ୍ରଷ୍ଟ ପକ୍ଷରୁ ବୃକ୍ଷରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଏହି ଅବସରରେ ମୁଖ୍ୟ ଅତିଥି ଭାବରେ ଯାତ୍ରା ଜଗତର ବରିଷ୍ଠ କଳାକାର ତଥା ଯାତ୍ରା କଳାକାର ଓ କର୍ମଚାରୀ ସଂଘର ଉପଦେଷ୍ଟା ବାପି ପଣ୍ଡା ଏବଂ ତାଙ୍କ ସାହଧର୍ମିଣୀ, ଯୁବ ହାସ୍ୟ ଅଭିନେତା ତଥା ଓଜେଲର ସଦସ୍ୟ ଗୁରୁ ପୃଷ୍ଠି,ଫରେଷ୍ଟର ରମେଶ ଚନ୍ଦ୍ର ପାଣିଗ୍ରାହୀ, ଭାରପ୍ରାପ୍ତ ପ୍ରଧାନଶିକ୍ଷକ ଶିବ ପ୍ରସାଦ ଦାସ, ଓଜେଲ ଚାରିଟେବୁଲ ଟ୍ରଷ୍ଟର ମୁଖ୍ୟ ଉପଦେଷ୍ଟା ଶୀତିକଣ୍ଠ ମହାନ୍ତି, ଉପଦେଷ୍ଟା ଆଶିଷ ରଞ୍ଜନ ଦାଶ, ଭାବଗ୍ରାହୀ ପଣ୍ଡା, ଶିବ ନାରାୟଣ ସ୍ୱାଇଁ, ଉପସଭାପତି ଉମେଶ ଚନ୍ଦ୍ର ସାହୁ, ଢେ଼ଙ୍କାନାଳ ଜିଲ୍ଲା ମୁଖ୍ୟ ଆଶିଷ ବରାଳ ମଞ୍ଚାସୀନ ଥିଲେ।ପ୍ରଥମେ ଅତିଥିମାନଙ୍କୁ ପୁଷ୍ପଗୁଚ୍ଛ ଦେଇ ସ୍ୱାଗତ ସମ୍ବର୍ଦ୍ଧନା କରାଯାଇଥିଲା l ଅତିଥିମାନେ ଜଗନ୍ନାଥଙ୍କ ଫଟୋ ଚିତ୍ରରେ ମାଲ୍ୟାର୍ପଣ ପୂର୍ବକ କାର୍ଯ୍ୟ ଆରମ୍ଭ କରିଥିଲେ। ମୁଖ୍ୟ ଉପଦେଷ୍ଟା ଅତିଥି ପରିଚୟ ପ୍ରଦାନ କରିଥିଲେ। ବନ୍ଧୁତା ଦିବସରେ ଏହିଭଳି ବୃକ୍ଷରୋପଣ କରି ଏକ ମହତ୍ତ୍ୱପୂର୍ଣ୍ଣ କାର୍ଯ୍ୟ କରୁଥିବା ଓ ବୃକ୍ଷକୁ ବନ୍ଧୁ ଭାବରେ ଭାବି ଗଛଗୁଡ଼ିକର ରକ୍ଷଣାବେକ୍ଷଣ କରିବାକୁ ମୁଖ୍ୟ ଅତିଥି ତାଙ୍କ ଅଭିଭାଷଣରେ କହିବା ସହ ଓଜେଲର କର୍ମକର୍ତ୍ତାମାନଙ୍କୁ ପରାମର୍ଶ ଦେଇଥିଲେ l ନିଜ ଜନ୍ମ ଦିନ ଓ ବିବାହବାର୍ଷିକ ଦିନରେ ଗୋଟିଏ ଗୋଟିଏ ଗଛ ଲଗାଇ ବାକୁ ପରାମର୍ଶ ଦେବା ସହ ଅନୁରୋଧ କରିଥିଲେ। ଏହା ପରେ ଅତିଥିମାନେ ସ୍କୁଲ ପରିସରରେ ୧00ଗଛରୁ ଉର୍ଦ୍ଧ୍ବ ଲଗାଇ ଥିଲେ। ଏହି କାର୍ଯ୍ୟକ୍ରମକୁ ଢେ଼ଙ୍କାନାଳ ଜିଲ୍ଲାର ସଦସ୍ୟ ଅବିନାଶ ପ୍ରଧାନ, ଆଶିଷ ମିଶ୍ର, ସତୀଶ ବିଶ୍ବାଳ, ଶ୍ରୀଧର ପାତ୍ର, ନାରାୟଣ ,କୃଷ୍ଣଚନ୍ଦ୍ର ନାୟକ ବିଶ୍ୱାଳ ,ରାଜକିଶୋର ,ଚିନ୍ମୟ ବେହେରା ପ୍ରମୁଖ ସହଯୋଗ କରିଥିଲେ। ପରିଶେଷରେ ଉପଦେଷ୍ଟା ଭାବଗ୍ରାହୀ ପଣ୍ଡା ସମସ୍ତଙ୍କୁ ଧନ୍ୟବାଦ ଦେଇଥିଲେ l