କଙ୍କଡ଼ାହାଡ଼ ଉଚ୍ଚ ମାଧ୍ୟମିକ ବିଦ୍ୟାଳୟରେ ପ୍ରବେଶ ଉତ୍ସଵ

କଙ୍କଡାହାଡ଼,(ସା ଆ ମି ): ଉଚ୍ଚ ମାଧ୍ୟମିକ ବିଦ୍ୟାଳୟରେ ଆଜି +2 କଳା ଶ୍ରେଣୀରେ ନାମ ଲେଖାଇଥିବା ପ୍ରଥମବର୍ଷ ଛାତ୍ର ଛାତ୍ରୀମାନଙ୍କ ଉଦ୍ଦେଶ୍ୟରେ ପ୍ରବେଶ ଉତ୍ସଵ ଅନୁଷ୍ଠିତ ହୋଇଛି l ଅଧ୍ୟକ୍ଷ ପ୍ରସନ୍ନ କୁମାର ସାହୁଙ୍କ ସଭାପତିତ୍ଵରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ନବାଗତ ଛାତ୍ରଛାତ୍ରୀଙ୍କୁ ଫୁଲ ଚନ୍ଦନ ଦେଇ ସ୍ବାଗତ କରାଯିବା ସହିତ ଅନୁଷ୍ଠାନର ଇତିହାସ ଓ ଉପଲବ୍ଧ ସୁବିଧା ସୁଯୋଗ ଉପରେ ପରିଚିତ କରାଯାଇଥିଲା l ଅଧ୍ୟାପକ ଓ ଅଧ୍ୟାପିକାମାନେ ନିଜର ପରିଚୟ ପ୍ରଦାନ ପୂର୍ବକ ଛାତ୍ରଛାତ୍ରୀଙ୍କୁ ନିଜସ୍ଵ ବିଷୟ ଓ ଏତି ସହିତ ସଂଲଗ୍ନ ଭବିଷ୍ୟତ ସୁଯୋଗ ଉପରେ ଆଲୋକପାତ କରିଥିଲେ l ଏହା ସହିତ ଛାତ୍ରଛାତ୍ରୀମାନଙ୍କୁ ଯୁବ ରେଡ କ୍ରସ ଜାତୀୟ ସେବା ଯୋଜନା କ୍ରୀଡା ଛାତ୍ର ବୃତ୍ତି ଭବିଷ୍ୟତ ନିଯୁକ୍ତି ଚୟନ ଓ ପରୀକ୍ଷା ପଦ୍ଧତି ଉପରେ ଦିଗ୍ ଦର୍ଶନ ପ୍ରଦାନ କରାଯାଇଥିଲା l ଅଧ୍ୟାପକ ପ୍ରେମାନନ୍ଦ ନାୟକ,ଲକ୍ଷ୍ମୀକାନ୍ତ ଶତପଥୀ ଅଜୟ କୁମାର ଚିନାରା ଅଧ୍ୟାପିକା ମଧୁସ୍ମିତା ନନ୍ଦ, ରାକା ବେନ୍ ପତି ଓ ଝୁନୁ ରାୟ ଛାତ୍ରଛାତ୍ରୀଙ୍କୁ ସ୍ଵ ପରିଚୟ ପ୍ରଦାନ ସହିତ ଅନୁଷ୍ଠାନର ନୀତି ନିୟମ ଓ ଶୃଙ୍ଖଳା ମାନି ଚାଲିବାକୁ ପରାମର୍ଶ ଦେଇଥିଲେ l କର୍ମଚାରୀ ବସନ୍ତ ସାହୁ ବସନ୍ତ ଦାସ, ଅଭୟ ସାହୁ, ନୀଳାମ୍ବର ପରିଡ଼ା, ପ୍ରଦୀପ ବେହେରା, ରବି ମହନ୍ତ, ନିର୍ଜରିଣି ପଣ୍ଡା ପ୍ରମୁଖ ସହଯୋଗ କରିଥିଲେ l