ମହିଳାଙ୍କୁ ଗୁଳି ମାରି ହତ୍ୟା
ଇମ୍ଫାଲ୍: ସମଗ୍ର ମଣିପୁରରେ ସ୍କୁଲ୍ ଖୋଲିବାର ଦିନକ ପରେ ଆଜି ଇମ୍ଫାଲ୍ର ପଶ୍ଚିମ ପ୍ରାନ୍ତରେ ଥିବା ଏକ ସ୍କୁଲ୍ ବାହାରେ ଅଜ୍ଞାତ ଦୁର୍ବୃତ୍ତମାନେ ଜଣେ ମହିଳାଙ୍କୁ ଗୁଳି ମାରି ହତ୍ୟା କରିଥିବା କଥା ପୁଲିସ ସୂତ୍ରରୁ ପ୍ରକାଶ।
ପ୍ରାପ୍ତ ସୂଚନା ଅନୁସାରେ, ହତ୍ୟାକାଣ୍ଡ ଶିଶୁ ନିଷ୍ଠା ନିକେତନ ସ୍କୁଲ୍ ବାହାରେ ଘଟିଥିବା ଏହି ଘଟଣା ସମ୍ପୃକ୍ତ ଅଞ୍ଚଳରେ ଆତଙ୍କର କାରଣ ହୋଇଛି।
ଦୀର୍ଘ ଦୁଇ ମାସ ହେବ ଆଦିମ ପ୍ରଜାତିଙ୍କ ମଧ୍ୟରେ ସଂଘର୍ଷ ଚାଲିଥିବା ବେଳେ ଆଜିର ଏହି ଗୁଳିକାଣ୍ଡ ଘଟିଛି। ଏହାଛଡ଼ା, ଆଜି ସକାଳେ କାଙ୍ପୋକ୍ପି ଜିଲ୍ଲା ଅନ୍ତର୍ଗତ ମାପାଓ ଏବଂ ଅୱାଙ୍ଗ୍ ସେକ୍ମାଇ ଅଞ୍ଚଳର ଦୁଇ ସଶସ୍ତ୍ର ଗୋଷ୍ଠୀଙ୍କ ମୁକାବିଲାକୁ ନିରାପତ୍ତା ବଳ ଭଣ୍ଡୁର କରିଥିଲା।
ସେହିପରି, ଥୌବାଲ୍ ଜିଲ୍ଲାରେ ଆଉ ଏକ ହିଂସାକାଣ୍ଡରେ ଦଙ୍ଗାକାରୀମାନେ ‘ଇଣ୍ଡିଆନ୍ ରିଜର୍ଭ ବାଟାଲିୟନ୍’ର (ଆଇଆର୍ବି) ଜଣେ ଯବାନଙ୍କ ଘର ପୋଡ଼ି ଦେଇଛନ୍ତି। ସେ ପୋଲିସ ଅସ୍ତ୍ରାଗାରରୁ ଦଙ୍ଗାକାରୀମାନଙ୍କର ଅସ୍ତ୍ରଶସ୍ତ୍ର ଲୁଟ୍ ଉଦ୍ୟମ ପଣ୍ଡ କରି ଦେଇଥିଲେ ବୋଲି ବୁଧବାର ଦିନ ସରକାରୀ ଅଧିକାରୀମାନେ କହିଛନ୍ତି।
