ଗଛପଡି ଜଣେ ମୃତ, ଜଣେ ଆହତ

ସମ୍ବଲପୁର,(ସା.ଆ.ମି): ସମ୍ବଲପୁର ଜିଲ୍ଲା ନାକଟିଦେଉଳ ସାପ୍ତାହିକ ବଜାରରେ ଏକ ଶୁଖିଲା ଆମ୍ବଗଛ ପଡି ଜଣଙ୍କର ମୃତ୍ୟୁ ହୋଇଥିବା ବେଳେ ଜଣେ ଆହତ ହୋଇଛନ୍ତି l ମୃତକ ଜଣକ ହେଲେ ସରାପାଲି ଗ୍ରାମର ନୀଳାଞ୍ଚଳ ନାଗ (୩୫) l ଆହତ ଯୁବକ ଜଣକ ହେଲେ ପେଣ୍ଠବାହାଳ ଗ୍ରାମର ପାହାନ୍ତ ଶବର(୫୦) l

ଘଟଣାରୁ ପ୍ରକାଶ ଯେ, ସୋମବାର ସାପ୍ତାହିକ
ବଜାର ଶେଷ ହୋଇଆସୁଥିବା ସମୟ
ବେଳକୁ ଉକ୍ତ ଦୁଇ ବ୍ୟକ୍ତି ଏକ ଦୋକାନରୁ ସଉଦା କରୁଥିବା ସମୟରେ ହଠାତ ଗଛଟି ନୀଳାଞ୍ଚଳଙ୍କ ଅଣ୍ଟାରେ ପଡିବାରୁ ଘଟଣାସ୍ଥଳରେ ତାଙ୍କର ମୃତ୍ୟୁ ହେଇଥିବା ବେଳେ ପାହାନ୍ତଙ୍କୁ ଆହତ ଅବସ୍ଥାରେ ସ୍ଥାନୀୟ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ପଠାଯାଇଥିଲା l ସେଠାରୁ ଡାକ୍ତର ତାଙ୍କୁ ରେଢାଖୋଲ ସ୍ଥାନାନ୍ତର କରିଥିଲେ l ପରେ ତାଙ୍କୁ ବୁର୍ଲା ସ୍ଥାନାନ୍ତର କରାଯାଇଥିବା ଜଣାପଡିଛି l