ସାକ୍ଷୀ ଦେଶର ସର୍ବକନିଷ୍ଠ ପାଇଲଟ

ନୂଆଦିଲ୍ଲୀ: ହିମାଚଳ ପ୍ରଦେଶର ସାକ୍ଷୀ କୋଚ୍ଚର ଦେଶର ସବୁଠାରୁ କନିଷ୍ଠ କମର୍ସିଆଲ ପାଇଲଟ୍ ହେବାର ଗୌରବ ହାସଲ କରିଛି। ୨୦୦୫ ମେ ୩୦ରେ ଜନ୍ମ ଗ୍ରହଣ କରିଥିବା ସାକ୍ଷୀ ମାତ୍ର ୧୮ବର୍ଷ ବୟସରେ ବାଣିଜ୍ୟିକ ବିମାନ ଉଡାଣ ଲାଗି ପାଇଲଟ୍ ଲାଇସେନ୍ସ ହାସଲ କରିଛନ୍ତି। ଏହା ପୂର୍ବରୁ ମୈତ୍ରୀ ପଟେଲ ୧୯ବର୍ଷ ବୟସରେ ପାଇଲଟ ହେବାର ଗୌରବ ହାସଲ କରିଥିଲେ। ମୈତ୍ରୀଙ୍କ ରେକର୍ଡକୁ ସାକ୍ଷୀ ଭାଙ୍ଗିଛନ୍ତି। ଉଭୟ ମୈତ୍ରୀ ଓ ସାକ୍ଷୀ କ୍ୟାପଟେନ ଏକେ ମାନେକଙ୍କ ଅଧୀନରେ ପ୍ରଶିକ୍ଷଣ ନେଇଥିଲେ। ସାକ୍ଷୀ ନିଜର ୭ମାସ ୧୫ ଦିନର ପ୍ରଶିକ୍ଷଣରେ ବିମାନ ଉଡାଣ ଅବଧି (ଫ୍ଲାଇଙ୍ଗ ଆୱାର) ଲକ୍ଷ୍ୟକୁ ହାସଲ କରିପାରିଥିଲେ। ସେ ତାଙ୍କର ୧୮ତମ ଜନ୍ମଦିନ ୨୦୨୩ ମେ ୩୦ରେ ନିଜର କମର୍ସିଆଲ ପାଇଲଟ ଲାଇସେନ୍ସ ପାଇଥିଲେ।