ବଜ୍ରପାତରେ ୪ଛାତ୍ର ଗୁରୁତର ଓ ୫ଗୋରୁ ମୃତ

ଚିଲିକା : ଖୋର୍ଦ୍ଧା ଜିଲ୍ଲା ଚିଲିକା ବ୍ଲକର ତାରିଣୀ ଗ୍ରାମର ୪ଜଣ ଛାତ୍ର ଗ୍ରୀଷ୍ମ ଛୁଟିରେ ଭୋଜି କରିବା ପାଇଁ ଅପରାହ୍ନ ୩ଟା ବେଳେ ଭାଟପୋଖରା ସାହିକୁ ଯାଇଥିଲେ l ହଠାତ୍ କାଳବୈଶାଖୀ ମାଡିଆସିଥିଲା ବିଜୁଳି ଓ ବଜ୍ରପାତ ଆଘାତରେ ୧୬ରୁ ୨୨ବର୍ଷର ଶୁଭମ୍ ଚମ୍ପା, ଦିନେଶ ସାହୁ, ସୁନିଲ ସାହୁ ଓ ଜିଗ୍ୟାଁସା ସାହୁ ଗୁରୁତର ଆଘାତ ହୋଇଥିବା ଜଣାପଡ଼ିଛି l ସେମାନଙ୍କୁ ସ୍ଥାନୀୟ ସରପଞ୍ଚ ଓ ସମିତିସଭ୍ୟ ଟାଙ୍ଗି ସରକାରୀ ଡାକ୍ତରଖାନାରେ ଚିକିତ୍ସା ପାଇଁ ଭର୍ତ୍ତି କରାଇଥିଲେ l କିନ୍ତୁ ସେମାନଙ୍କ ଅବସ୍ଥା ଶଙ୍କଟାପର୍ଣ୍ଣ ଥିବାରୁ ସେମାନଙ୍କୁ ଭୁବନେଶ୍ବର ଏମ୍ସ ଡାକ୍ତରଖାନାକୁ ସ୍ଥାନାନ୍ତର କରାଯାଇଥିବା ବେଳେ ଟାଙ୍ଗୀ ବ୍ଲକର ନରମାନବୀ ଗ୍ରାମରେ ବଜ୍ରାଘାତରେ ୫ଟି ଗୋରୁଙ୍କ ମୃତ୍ୟୁ ହୋଇଛି l ଉକ୍ତ ୪ଛାତ୍ରଙ୍କ ଚିକିତ୍ସା ସରକାର ବହନ କରିବାକୁ ସର୍ବସାଧାରଣ ଲୋକ ଦାବି କରିଛନ୍ତି।