କାର୍ର ନମ୍ବର ପ୍ଲେଟ୍ରେ ଲେଖିଲେ ମୋଦୀଙ୍କ ନାମ
ୱାଶିଂଟନ୍ : ଚଳିତ ମାସ ୨୧ରୁ ୨୪ ମଧ୍ୟରେ ଆମେରିକା ଗସ୍ତରେ ଯାଉଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ। ସେଥିପାଇଁ ଆମେରିକାରେ ଥିବା ମୋଦୀଙ୍କ ପ୍ରଶଂସକ ମଧ୍ୟ ବେଶ୍ ଉତ୍ସାହିତ ଅଛନ୍ତି। ସୂଚନା ଅନୁସାରେ ଆମେରିକାର ମେରିଲ୍ୟାଣ୍ଡର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କର ଜଣେ ବଡ଼ ପ୍ରଶଂସକ ତାଙ୍କ କାର୍ର ନମ୍ବର ପ୍ଲେଟ୍ରେ ମୋଦିଙ୍କ ନାଁ ଲେଖିଛନ୍ତି। ବ୍ୟକ୍ତି ଜଣକ ହେଲେ ରାଘବେନ୍ଦ୍ର। ଭାରତର ମୂଳ ନିବାସୀ ତଥା ଆମେରିକୀୟ ନାଗରିକ ରାଘବେନ୍ଦ୍ର ନିଜ କାର୍ ନମ୍ବର ପ୍ଲେଟରେ ‘ଏନ୍ମୋଦି’ ଲେଖାଇଛନ୍ତି। ଏନେଇ କହିଛନ୍ତି, ସେ ଏହି ନମ୍ବର ପ୍ଲେଟକୁ ୨୦୧୬ ନଭେମ୍ବରରୁ ବ୍ୟବହାର କରୁଛନ୍ତି। ମୋଦି ମୋର ପ୍ରେରଣା। ଦେଶ ପାଇଁ, ସମାଜ ପାଇଁ, ବିଶ୍ୱ ପାଇଁ କିଛି ଭଲ କାମ କରିବାକୁ ସେ ମୋତେ ପ୍ରେରଣା ଦିଅନ୍ତି। ସେଥିପାଇଁ ମୋଦୀଙ୍କ ଗସ୍ତକୁ ଖୁବ୍ ଉତ୍କଣ୍ଠାର ସହିତ ଅପେକ୍ଷା କରିଛି ବୋଲି କହିଛନ୍ତି।
