୫ ଆତଙ୍କବାଦୀ ନିହତ
ଶ୍ରୀନଗର: ଗତ ରାତିରେ ଜମ୍ମୁ ଓ କଶ୍ମୀରର କୁପ୍ୱାରା ଜିଲ୍ଲାରେ ଆରମ୍ଭ ହୋଇଥିବା ଏନ୍କାଉଣ୍ଟର୍ରେ ୫ଜଣ ବିଦେଶୀ ଆତଙ୍କବାଦୀ ନିହତ ହୋଇଥିବା କଥା କଶ୍ମୀର ଜୋନ୍ ପୁଲିସ କହିଛି।ସେନା ଓ ପୁଲିସର ମିଳିତ ଟିମ୍ ଏବଂ ଆତଙ୍କବାଦୀଙ୍କ ମଧ୍ୟରେ ଏହି ଗୁଳିବିନିମୟ ହୋଇଥିଲା। ଏବେ ମଧ୍ୟ ସେ ଅଞ୍ଚଳରେ ତଲାସ ଅଭିଯାନ ଚାଲୁ ରହିଛି ବୋଲି ସରକାରୀ ଅଧିକାରୀମାନେ କହିଛନ୍ତି।ଗଣମାଧ୍ୟମକୁ କଶ୍ମୀର ‘ଏଡିଜିପି’ ବିଜୟ କୁମାର କହିଛନ୍ତି, ଏନ୍କାଉଣ୍ଟର୍ରେ ୫ଜଣ ଆତଙ୍କବାଦୀ ନିହତ ହୋଇଛନ୍ତି। ତଲାସ ଅଭିଯାନ ଜାରି ରହିଛି।
