ବିଭିନ୍ନ ଗ୍ରାମ ପରିଦର୍ଶନ କରି ସର୍ବୋଚ୍ଚ ସେବା ପ୍ରଦାନ କରୁଛନ୍ତି ବିଡିଓ

ନୂଆଗାଁ, ୧୪ /୦୬: ନୟାଗଡ ଜିଲ୍ଲା ନୂଆଗାଁ ବ୍ଲକ୍ ବିଡ଼ିଓ ସଚିଦା ନନ୍ଦ ମିଶ୍ରଙ୍କ ଜନସାଧାରଣଙ୍କୁ ସର୍ବୋଚ୍ଚ ସେବା ଯୋଗାଇବା ନେଇ ଜନସାଧାରଣ ପ୍ରଶଂସା କରିଛନ୍ତି।

ସୂଚନାନୁଯାୟୀ, ନୂଆଗାଁ ବ୍ଲକର ୨୨ଟି ପଞ୍ଚାୟତର ବିଭିନ୍ନ ଗ୍ରାମକୁ ବିଡିଓ ଶ୍ରୀ ମିଶ୍ର ଗସ୍ତ କରି ପେନସନଭୋଗୀଙ୍କ ବିଭିନ୍ନ ସମସ୍ୟାର ସମୀକ୍ଷା, ଆଲୋଚନା ଓ ସମାଧାନ କରିଥିଲେ। ତାଙ୍କ ଗ୍ରସ୍ତ ସମୟରେ ବିଏସଏସଓ, ସ୍ଥାନୀୟ ବ୍ୟାଙ୍କର ପ୍ରତିନିଧି ଏବଂ ଅନ୍ୟ ବ୍ଲକ ଅଧିକାରୀମାନେ ତାଙ୍କ ଉପସ୍ଥିତ ଥିଲେ। ମାଳିସାହି ପଞ୍ଚାୟତ ଅନ୍ତର୍ଗତ ନୂଆସାହି, ଖଙ୍ଗୁରୀଠାରେ ସେ ଦୁଇ ଜଣ ବୟସ୍କ ପେନସନଭୋଗୀଙ୍କୁ ନିଜ ଗାଡିରେ ମୋ ସେବା କେନ୍ଦ୍ରକୁ ବ୍ୟାଙ୍କ ଅପଡେଟେସନ ପାଇଁ ନେଇଥିଲେ ଏବଂ ସେମାନଙ୍କୁ ପୁଣି ସେମାନଙ୍କୁ ଗାଁରେ ଛାଡିଥିଲେ। ବିଡିଓଙ୍କ ଏପରି କାର୍ଯ୍ୟକୁ ସାଧାରଣରେ ପ୍ରଶଂସା କରାଯାଇଛି l