ନିଆଁରେ ପୋଡ଼ି ମହିଳା ଗୁରୁତର

ଗଜପତି : ଗଜପତି ଜିଲ୍ଲା ଅଡ଼ବା ଥାନା ରାଇଝୁକା ଗାଁରେ ନିଆଁରେ ପୋଡ଼ି ଜଣେ ମହିଳା ଗୁରୁତର ଆହତ ହୋଇଛନ୍ତି। ଗୁରୁତର ମହିଳା ଜଣଙ୍କ ହେଉଛନ୍ତି ସୁପ୍ରିୟା ବସ୍ତରାୟ। ରବିବାର ସକାଳେ ସେ ଚୁଲିରେ ନିଆଁ ଲଗାଉଥିବା ବେଳେ ହଠାତ ତାଙ୍କ ଦେହରେ ନିଆଁ ଲାଗିଯାଇଥିଲା ବୋଲି ପରିବାର ଲୋକେ କହିଛନ୍ତି। ପରିବାର ଲୋକେ ସୁପ୍ରିୟାଙ୍କୁ ଗୁରୁତର ଅବସ୍ଥାରେ ମୋହନା ଡାକ୍ତରଖାନାରେ ଭର୍ତ୍ତି କରିଥିଲେ। ତାଙ୍କ ଶରୀରର ପ୍ରାୟ ୮୫ ପ୍ରତିଶତ ପୋଡ଼ି ଯାଇଛି। ସୁପ୍ରିୟାଙ୍କ ଅବସ୍ଥା ଗୁରୁତର ଥିବାରୁ ମୋହନା ଡାକ୍ତରଖାନାରେ ପ୍ରାଥମିକ ଚିକିତ୍ସା ପରେ ତାଙ୍କୁ ବ୍ରହ୍ମପୁର ବଡ଼ ଡାକ୍ତରଖାନାକୁ ସ୍ଥାନାନ୍ତର କରାଯାଇଛି।