କୋଇଲା ବୋଝେଇ ଟ୍ରେନରେ ନିଆଁ
ବାଲେଶ୍ୱର : ପିଛା ଛାଡୁନି ଦୁର୍ଘଟଣା। ବାହାନଗା ଟ୍ରେନ୍ ଟ୍ରାଜେଡି ଓ ଯାଜପୁର ରୋଡରେ ଟ୍ରେନରେ କଟି ୬ ଜଣଙ୍କ ମୃତ୍ୟୁ ମନରୁ ନ ଲିଭିନ ଥିଲା ବେଳେ ଗୋଟିଏ ପରେ ଗୋଟିଏ ଟ୍ରେନରେ ନିଆଁ ଲାଗିଯାଉଥିବା ଖବର ଆସୁଛୁ। ଶନିବାର ସକାଳେ ଦକ୍ଷିଣପୂର୍ବ ରେଳପଥର ରୂପସା ଷ୍ଟେସନ ନିକଟରେ ମାଲବାହୀ ଟ୍ରେନରେ ନିଆଁ ଲାଗିଯାଇଛି। ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିଛନ୍ତି। ଏଥିରେ କାହାର କିଛି କ୍ଷୟକ୍ଷତି ହୋଇ ନାହିଁ।
ଗତକାଲିଠୁ କୋଇଲା ବୋଝେଇ ଟ୍ରେନ୍ଟି ରୂପସା ଷ୍ଟେସନ ନିକଟରେ ଠିଆ ହୋଇଥିଲା। ଆଜି ସକାଳେ ଏକ ବଗିରେ ଧୂଆଁ ବାହାରୁଥିବା ରେଳ କର୍ମଚାରୀ ଦେଖିଥିଲେ। ଏନେଇ ବାଲେଶ୍ୱର ଅଗ୍ନିଶମ କର୍ମଚାରୀଙ୍କୁ ଖବର ଦେଇଥିଲେ। ଟ୍ରେନରେ କିପରି ନିଆଁ ଲାଗିଲା ତାର କାରଣ ଅସ୍ପଷ୍ଟ ରହିଛି। ରେଲୱେ ପକ୍ଷରୁ ଘଟଣାର ତଦନ୍ତ କରାଯାଉଛି।
