ପୁଣି ଲାଇନଚ୍ୟୁତ୍ ହେଲା ଟ୍ରେନ

ଚେନ୍ନାଇ: ବାଲେଶ୍ବରର ବାହାନଗାରେ ଘଟିଥିବା ୩ଟି ଟ୍ରେନ ଦୁର୍ଘଟଣାର ଦୁଃଖ ମନରୁ ଲିଭି ନଥିବା ବେଳେ ଏବେ ପୁଣି ଥରେ ଆଉ ଏକ ଟ୍ରେନ ଲାଇନଚ୍ୟୁତ୍ ହୋଇଛି। ତାମିଲନାଡୁର କୁନ୍ନୁରରେ ଟ୍ରାକରୁ ଖସି ଯାଇଛି ୨ଟି କୋଚ୍। ତେବେ ସବୁଠାରୁ ବଡ଼ କଥା ହେଲା ଏହି ଦୁର୍ଘଟଣାରେ କେହି ମୃତାହତ ହୋଇନାହାନ୍ତି। କୁହାଯାଉଛି ଯେ, ଓଟିରୁ ମେଟୁପାଲାୟାମ ଅଭିମୁଖେ ଯାଉଥିବା ଏକ ଟ୍ରେନର ଦୁଇଟି କୋଚ୍ ଗୁରୁବାର ତାମିଲନାଡୁର କୁନ୍ନୁର ନିକଟରେ ଲାଇନଚ୍ୟୁତ ହୋଇଥିଲା। ଏପର୍ଯ୍ୟନ୍ତ ଏହି ଘଟଣାରେ କୌଣସି ଯାତ୍ରୀ ମୃତାହତ ହୋଇଥିବା ଖବର ଆସିନାହିଁ।