୧୨ ଟ୍ରେନ୍ ବାତିଲ, ୪ ଟ୍ରେନର ରୁଟ୍ ପରିବର୍ତ୍ତନ

ବାଲେଶ୍ୱର: ବାହାନଗା ଟ୍ରେନ୍ ଦୁର୍ଘଟଣା ଯୋଗୁଁ ଯାତ୍ରୀ ହନ୍ତସନ୍ତ। ଆଜି ଓ ଆସନ୍ତାକାଲି ପାଇଁ ୧୨ଟି ଟ୍ରେନ୍ ବାତିଲ, ୪ଟି ଟ୍ରେନର ରୁଟ୍ ପରିବର୍ତ୍ତନ ହୋଇଛି। ଏନେଇ ରେଳ ବିଭାଗ ପକ୍ଷରୁ ସୂଚନା ଦିଆଯାଇଛି।

ଆଜି ପାଇଁ ବାତିଲ ଟ୍ରେନ୍‌ଗୁଡ଼ିକ ହେଲା- ୧୮୦୩୭ ଖଡଗପୁର- ଯାଜପୁର କେନ୍ଦୁଝର ଏକ୍ସପ୍ରେସ, ହାୱଡା- ଏର୍ନାକୁଲମ୍ ଏକ୍ସପ୍ରେସ, ଶାଲିମାର- ଚେନ୍ନାଇ କରମଣ୍ଡଳ, ହାୱଡ଼ା- ଭଦ୍ରକ, ଶାଲିମାର- ପୁରୀ ଜଗନ୍ନାଥ ଏକ୍ସପ୍ରେସ, ହାଇଦ୍ରାବାଦ- ଶାଲିମାର ଇଷ୍ଟ କୋଷ୍ଟ ଏକ୍ସପ୍ରେସ, କାଲି ଯାଏଁ ଯାଜପୁର କେନ୍ଦୁଝର ରୋଡ୍- ଖଡଗପୁର ଏକ୍ସପ୍ରେସ, ଚେନ୍ନାଇ- ହାୱଡା ସୁପରଫାଷ୍ଟ, ପୁରୀ- ଡେରାଡୁନ୍ ଏକ୍ସପ୍ରେସ।

ଆସନ୍ତାକାଲି ବାତିଲ ଟ୍ରେନ୍‌ଗୁଡ଼ିକ ହେଲା ଭଦ୍ରକ- ହାୱଡା ଏକ୍ସପ୍ରେସ, ପାଟଣା- ପୁରୀ ଏକ୍ସପ୍ରେସ, ପୁରୀ- ଶାଲିମାର ଶ୍ରୀଜଗନ୍ନାଥ ଏକ୍ସପ୍ରେସ (ଉଭୟ ପଟୁ ବାତିଲ)।

ରୁଟ୍‌ ପରିବର୍ତ୍ତନ ହୋଇଥିବା ଟ୍ରେନ୍‌ଗୁଡ଼ିକ ମଧ୍ୟରୁ କନ୍ୟାକୁମାରୀ- ଦିବ୍ରୁଗଡ଼ ବିବେକ ଏକ୍ସପ୍ରେସ ଟିଟିଲାଗଡ଼ ଦେଇ ଯିବ, ପୁରୀ- ରିଷିକେଶ କଳିଙ୍ଗ ଏକ୍ସପ୍ରେସ ସମ୍ବଲପୁର ସିଟି ଦେଇ ଯିବ, ପୁରୀ- ନୂଆଦିଲ୍ଲୀ ପୁରୁଷୋତ୍ତମ ଯଖପୁରା ଦେଇ ଯିବ, ପୁରୀ- କାମାକ୍ଷା ଏକ୍ସପ୍ରେସ କଟକ- ସମ୍ବଲପୁର-ଝାରସୁଗୁଡ଼ା ଦେଇ ଯିବ।