ନାଇଟ୍ କୋଚ୍ ବସ୍ ଦୁର୍ଘଟଣାଗ୍ରସ୍ତ: ହେଲପର ସମେତ ୪ ଯାତ୍ରୀ ଆହତ
ରାଉରକେଲା,3/6 : ରାଉରକେଲାରୁ ପୁରୀ ଯାଉଥିବା ଘରୋଇ ଯାତ୍ରୀବାହୀ ନାଇଟ୍ କୋଚ୍ ବସ୍ ଗତକାଲି ବିଳମ୍ବିତ ରାତିରେ ଅନୁଗୋଳ ଜିଲ୍ଲା ପିତିରି ଦଦରା ଘାଟି ନିକଟରେ ଦୁର୍ଘଟଣାଗ୍ରସ୍ତ ହୋଇଥିଲା। ରାତି ପ୍ରାୟ ୧ଟାରେ ଘରୋଇ ଯାତ୍ରୀବାହୀ ବସ୍ ‘କାଳିଆ କାହ୍ନୁ’ ଟ୍ରେଲରୁ ଧକ୍କା ଦେବାରୁ ହେଲପ୍ର, କଣ୍ଡକ୍ଟର ସମେତ ୫ ଯାତ୍ରୀ ଆହତ ହୋଇଛନ୍ତି। ବସ୍ର ସମ୍ମୁଖ ଭାଗ ଭାଙ୍ଗିରୁଜି ଯାଇଛି। ଅନ୍ୟ ଯାତ୍ରୀମାନେ ଅଳ୍ପକେ ବର୍ତ୍ତିଯାଇଛନ୍ତି। ଆହତ ଯାତ୍ରୀମାନଙ୍କୁ ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯାଇଥିଲା। ଯାତ୍ରୀମାନଙ୍କୁ ରାଉରକେଲାରୁ ଭୁବନେଶ୍ବର ଯାଉଥିବା ଅନ୍ୟ ଏକ୍ସପ୍ରେସ୍ ବସ୍ରେ ନିଜ ନିଜର ଗନ୍ତବ୍ୟସ୍ଥଳକୁ ଛଡାଯାଇଛି। ଅନୁଗୋଳ ପୁଲିସ ଘଟଣାସ୍ଥଳରେ ପହଞ୍ଚି ଦୁର୍ଘଟଣାଗ୍ରସ୍ତ ବସ୍କୁ ଜବତ କରି ଘଟଣାର ତଦନ୍ତ ଚଳାଇଛି। ଡ୍ରାଇଭର ତ୍ରୁଟିରୁ ଏଭଳି ବସ୍ଟି ଦୁର୍ଘଟଣାଗ୍ରସ୍ତ ହୋଇଥିବା ଯାତ୍ରୀମାନେ କହିଛନ୍ତି।
