ପୁଣି ରକ୍ତରଞ୍ଜିତ ରାଧାମୋହନପୁର

ଟାଙ୍ଗି: ଖୋର୍ଦ୍ଧା ଜିଲ୍ଲାର ଟାଙ୍ଗି ଥାନା ଶୋରଣ ପଞ୍ଚାୟତର ରାଧାମୋହନପୁର ଗ୍ରାମର ରମେଶ ରାଉତ (୫୦) ବାଙ୍ଗାଲୋରରେ ଠିକାଦାର ଭାବେ କାର୍ଯ୍ୟ କରନ୍ତି l ରବିବାର ରାତ୍ରିରେ ଚଣ୍ଡେଶ୍ୱର ଢାବାକୁ ୨ଜଣ ସାଙ୍ଗଙ୍କ ସହ ଯାଇଥିଲେ l ୨ଜଣ ସାଙ୍ଗ ହେଲେ ମୁଣ୍ଡୁଳୀ ଗ୍ରାମର ଦିଲୀପ ସୁରଜିତ ଓ ଗଙ୍ଗାଧର ସୁବୁଦ୍ଧି l ଖାଇସାରି ବାଇକ୍ ଯୋଗେ ଫେରୁଥିବା ବେଳେ ଚଣ୍ଡେଶ୍ୱର ରାସ୍ତାରେ ଦୁଇଜଣ ଦୁର୍ବୃତ୍ତ ରମେଶଙ୍କୁ ୩ରାଉଣ୍ଡ ଗୁଳି କରିଥିଲେ l ସେଥିରୁ ୨ଟି ଗୁଳି ରମେଶଙ୍କ ପେଟରେ ବାଜିଥିଲା l ରମେଶ ରକ୍ତ ଜୁଡୁବୁଡୁ ହୋଇ ତଳେ ପଡିଯାଇଥିଲେ, ସାଙ୍ଗରେ ଥିବା ଦୁଇ ସାଙ୍ଗ ଦିଲିପ ଓ ଗଙ୍ଗାଧର ରମେଶଙ୍କୁ ଟାଙ୍ଗୀ ଡାକ୍ତରଖାନରେ ଭର୍ତ୍ତି କରିଥିଲେ l ସେଠାରେ ଡାକ୍ତର ପରୀକ୍ଷା କରି ରମେଶଙ୍କୁ ମୃତ ଘୋଷଣା କରିଥିଲେ l ଘଟଣାସ୍ଥଳରେ ଟାଙ୍ଗୀ ପୋଲିସ ପହଞ୍ଚି ଘଟଣାର ତଦନ୍ତ ଆରମ୍ଭ କରିଛି l ପୋଲିସ ସନ୍ଦେହରେ ଦିଲିପଙ୍କୁ ଅଟକ ରଖି ପଚରାଉଚରା କରୁଛି l