ବ୍ରାହ୍ମଣୀନଦୀ ବାଲିରୁ ମୂର୍ମୁଷ ଅବସ୍ଥାରେ ଦମ୍ପତି ଉଦ୍ଧାର : ସ୍ୱାମୀ ମୃତ, ସ୍ତ୍ରୀ ଗୁରୁତର
ଢେଙ୍କାନାଳ : ମୋଟଙ୍ଗା ଥାନା ଅଞ୍ଚଳ ନାଧରା ନିକଟବ୍ରହ୍ମଣୀ ନଦୀବାଲିରେ ଜଣେ ପୁରୁଷ ଓ ଜଣେ ମହିଳା ମୂର୍ମୁଷ ଅବସ୍ଥାରେ ପଡିରହିଥିବାର ଦେଖୀ ଶୌଚ ପାଇଁ ଯାଇଥିବାଲୋକେ ମୋଟାଙ୍ଗା ଥାନା ଅଧୀନ ଗୁଡ଼ିଆକାଟେଣୀ ଆଉଟପୋଷ୍ଟକୁ ସୂଚନା ଦେଇଥିଲେ l ମୋଟଙ୍ଗା ଥାନା ଅଧିକାରୀ ନିରଞ୍ଜନ ସେଠୀଙ୍କ ନିର୍ଦେଶକ୍ରମେ ଆଉଟପୋଷ୍ଟର କର୍ମଚାରୀ ମଳୟ କୁମାର ମହାରଣା ସଦଳବଳେ ଘଟଣା ସ୍ଥଳରେ ପହଞ୍ଚି ଉଭୟଙ୍କୁ ଢେଙ୍କାନାଳ ଜିଲ୍ଲା ମୁଖ୍ୟ ଚିକିତ୍ସାଳୟକୁ ଆମ୍ବୁଲାନ୍ସ ଯୋଗେ ସ୍ଥାନାନ୍ତର କରିଥିଲେ l ସେଠାରେ ଡାକ୍ତର ପ୍ରଦ୍ୟୁମ୍ନ କୁମାର ରଥଙ୍କୁ ମୃତ ଘୋଷଣା କରିଥିବାବେଳେ ମହିଳା ଜଣଙ୍କୁ ଶଙ୍କଟାପର୍ଣ୍ଣ ଅବସ୍ଥାରେ ଚିକିତ୍ସା ଜାରୀ ରଖିଥିବାର ଜଣାପଡିଛି l ସୂଚନା ଅନୁଯାଇ ଉଭୟେ ସଦର ଥାନା ଅଞ୍ଚଳ ଗୋହିରାଖାଲ ଗ୍ରାମର ବିରଞ୍ଚି ନାଏକ ଓ ରଞ୍ଜୁବାଳା ନାଏକ ବୋଲି ଜଣାପଡିଛି l ପୋଲିସ ମୃତକ ବିରଞ୍ଚିଙ୍କ ଶବ ଜବତ ସହ ତଦନ୍ତ ଆରମ୍ଭ କରିଛି l ଦେଖାଯାଉ ମୃତ୍ୟୁର କାରଣ କଣ ଜଣାପଡୁଛି?
