ସାରାଆକାଶର ମହାପ୍ରଭାବ: ଖବର ପ୍ରକାଶ ପରେ ଦୂର ହେଲା ପାନୀୟ ଜଳ ସମସ୍ୟା

ଓଡ଼ାପଡ଼ା,୧୦ା୬(ସା.ଆ.ମି): ଦୀର୍ଘଦିନରୁ ଲାଗିରହିଥିବା ପାନୀୟ ଜଳସମସ୍ୟା ନେଇ ଆର୍ତ୍ତସାମନ୍ତରା କାଟେଣୀ ଗ୍ରାମ
ନାଣ୍ଡିପୋଲିଆ ସାହିବାସିନ୍ଦା ଜଳପାତ୍ର
ରଖି ଆନ୍ଦୋଳନ କରିଥିଲେ। ସମସ୍ୟା ସମ୍ପର୍କରେ ଗତ ତା-୩୧ା୫ା୨୩ରିଖରେ ସାରାଆକାଶରେ ଖବର ପ୍ରକାଶିତ ହୋଇଥିଲା। ପରେ ତତ୍ପରତାର ସହ ବଳରାମପ୍ରସାଦ ପଞ୍ଚାୟତର ସରପଞ୍ଚ ଶ୍ରୀମତୀ କାଞ୍ଚନବାଳା ରାଉତ, ପଞ୍ଚାୟତ ନିର୍ବାହୀ ଅଧିକାରୀ ବିଶ୍ୱନାଥ ପାଣି, ନାଏବ ସରପଞ୍ଚ ଲିଦୁସ ନାୟକ ପ୍ରମୁଖ ଅସ୍ଥାୟୀ ଭାବେ ଟ୍ୟାଙ୍କର ଯୋଗେ ଆର୍ତ୍ତସାମନ୍ତରା କାଟେଣୀ ତଥା ପାନୀୟ ଜଳ ସମସ୍ୟା ଥିବା ଗ୍ରାମଗୁଡ଼ିକରେ ଜଳ ଯୋଗାଣ ବ୍ୟବସ୍ଥା କରିଛନ୍ତି। ଜଳ ସଙ୍କଟ ସମୟରେ ସାରାଆକାଶ ଖବର ପ୍ରସାରଣ କରି ପ୍ରଶାସନର ଦୃଷ୍ଟିଗୋଚର କରାଇଥିବାରୁ ଗ୍ରାମବାସୀ ଓ ବୁଦ୍ଧିଜୀବୀମାନେ ପ୍ରଶଂସା କରିବା ସହ ସରପଞ୍ଚ ଶ୍ରୀମତୀ କାଞ୍ଚନବାଳା ରାଉତଙ୍କୁ
ଧନ୍ୟବାଦ ଦେଇଛନ୍ତି।