ସମୁଦ୍ରରୁ ମିଳିଲା ଅଜବ ମାଛ, ମଣିଷ ପରି ରହିଛି ଦାନ୍ତ
ପ୍ରକୃତି ବଡ଼ ବିଚିତ୍ର ସତରେ। ବେଳେବେଳେ ପ୍ରକୃତିରେ ଲୁଚି ରହିଥିବା ଅନେକ ଜିନିଷ ଏବଂ ଜୀବ ସାମ୍ନାକୁ ଆସିଥାନ୍ତି, ଯାହା ଦେଖିଲେ ଆଖିକୁ ବିଶ୍ୱାସ କରିବା କଷ୍ଟକର ହୋଇଯାଏ। ଏବେ ସୋସିଆଲ ମିଡିଆରେ ସେମିତି ଏକ ମାଛର ଫଟୋ ଭାଇରାଲ ହେଉଛି। ଯାହା ଦେଖି ଲୋକେ ଚକିତ ହୋଇଛନ୍ତି।
ଆମେରିକାର ଭର୍ଜିନିଆ ସମୁଦ୍ରରେ ଏକ ଅଜବ ମାଛ ସମସ୍ତଙ୍କୁ ଆଶ୍ଚର୍ଯ୍ୟ କରିଛି। ୩୮ ବର୍ଷୀୟ ଟଡ୍ ଏଲଡର୍ ସମୁଦ୍ରରେ ମାଛ ଧରୁଥିଲେ, କିନ୍ତୁ ତାଙ୍କ ହାତରେ ଏପରି ଏକ ଅଦ୍ଭୁତ ପ୍ରାଣୀ ପାଇଲେ, ଯାହା ଦେଖି ସେ ନିଜେ ଆଶ୍ଚର୍ଯ୍ୟ ହୋଇଯାଇଥିଲେ। ସମୁଦ୍ରରୁ ମିଳିଥିବା ଏହି ମାଛର ଦାନ୍ତ ଠିକ୍ ମଣିଷ ପରି। ଏହାର ମୁଣ୍ଡର ଆକାର ଅନ୍ୟ ମାଛ ଅପେକ୍ଷା ବହୁତ ବଡ଼। ଯଦିଓ ଏହା ଏକ ମାଛ, କିନ୍ତୁ ଏହା ବହୁତ ଅଦ୍ଭୁତ ଦେଖାଯାଉଛି।
ଟଡ୍ ଏଲଡରଙ୍କ ଅନୁଯାୟୀ, ସେ ଗାଧୋଇବାକୁ ଯାଇ ଶେଷରେ ସେହି ଅଜବ ମାଛ ଧରିଥିଲେ। ଏହି ମାଛର ଦାନ୍ତ ଠିକ ମଣିଷ ପରି ଥିଲା। ସେ ଆହୁରି ମଧ୍ୟ କହିଛନ୍ତି, ୮.୬ କିଲୋଗ୍ରାମର ଏହି ଅଜବ ମାଛ ଏହାର ଶକ୍ତ ଦାନ୍ତରେ କଙ୍କଡ଼ା ଖାଇଥାଏ। ମାଛର ବୟସ ୧୫ ବର୍ଷ ଅଟେ। ସେ କହିଛନ୍ତି ଏହା ଦେଖି ତାଙ୍କ ସ୍ତ୍ରୀ ମାଛର ଓଜନ ମାପିବାକୁ ଜିଦ୍ ଧରିଥିଲେ। ସେ ଓଜନ କରିବା ପରେ ଆଶ୍ଚର୍ଯ୍ୟ ହୋଇଯାଇଥିଲେ।
