ଓଲଟିଲା ପିକଅପ ଭ୍ୟାନ, ୨୦ ଗୁରୁତର
ବସ୍ତା: ଶ୍ରମିକଙ୍କୁ ନେଇ ଯାଉଥିବାବେଳେ ପିକଅପ ଭ୍ୟାନ ଓଲଟି ପଡିଛି | ବାଲେଶ୍ୱର ଜିଲ୍ଲାର ବସ୍ତା ୬୦ ନଂ ଜାତୀୟ ରାଜପଥ ନନ୍ଦିକା ଛକ ନିକଟରେ ଏହି ଦୁର୍ଘଟଣା ଘଟିଛି | ୨୦ ଜଣ ଶ୍ରମିକଙ୍କୁ ନେଇ ଯାଉଥିବା ଏକ ଟାଟା ଏସଇ ପିକଅପ ଭ୍ୟାନ ଭାରସାମ୍ୟ ହରାଇ ଓଲଟିପଡିଛି |
ଏହି ଘଟଣାରେ ୨୦ ଜଣ ଗୁରୁତର ଆହତ ହୋଇଛନ୍ତି | ମିଳିଥିବା ସୂଚନା ମୁତାବକ ମୟୁରଭଞ୍ଜର ବାର ମାଇଲରୁ କମର୍ଦା ଅଞ୍ଚଳକୁ ବିଲ କାମ କରିବା ପାଇଁ ଯାଉଥିଲେ | ପିକଅପର ଟାୟାର ଫାଟି ଯିବାରୁ ଭାରସାମ୍ୟ ହରାଇ ଓଲଟି ପଡିଥିଲା | ପିକଅପରେ ୪୦ ରୁ ଉର୍ଦ୍ଧ୍ବ ଶ୍ରମିକ ଥିବା ସୂଚନା ମିଳିଛି | ସମସ୍ତ ଆହତଙ୍କୁ ଜଳେଶ୍ବର ଜିକେ ଭଟ୍ଟର ହସ୍ପିଟାଲରେ ଭର୍ତ୍ତି କରାଯାଇଛି |
