ଗାଧୋଇବାକୁ ଯାଇ କେନାଲରେ ଭାସିଗଲେ ବୃଦ୍ଧ

ଢେଙ୍କାନାଳ : ଢେଙ୍କାନାଳ ଜିଲ୍ଲା ପରଜଙ୍ଗ ଥାନା ଗେଙ୍ଗୁଟିଆ ଅଞ୍ଚଳ ଦେଇ ଯାଇଥିବା ରେଙ୍ଗାଳି ବାମ ପାର୍ଶ୍ଵ କେନାଲରେ ଜଣେ ଚାଷୀ ଗାଧୋଇବାକୁ ଯାଇ ଗତକାଲି ପାଣିରେ ଭାସି ଯାଇ ନିଖୋଜ ଥିଲେ l ସୂଚନା ମୁତାବକ ଗେଙ୍ଗୁଟିଆ ଗ୍ରାମର ଚାଷୀ ଅନ୍ତର୍ଯ୍ୟାମୀ ସାହୁ ଚାଷ କାମ ସାରି କେନାଲକୁ ଗାଧୋଇବାକୁ ଯାଇଥିଲେ l ଗାଧୋଇବା ସମୟରେ ସେ ପାଣିରେ ଭାସି ଯାଇଥିଲେ, ଫଳରେ ଅନ୍ତର୍ଯ୍ୟାମୀ ଗାଧୋଇବାକୁ ଯାଇ ଘରକୁ ଫେରିବାରେ ବିଳମ୍ବ ହେବାରୁ ପରିବାର ବର୍ଗ ତାଙ୍କୁ ଖୋଜା ଖୋଜି କରିଥିଲେ l ପରେ ଜାଣିବାକୁ ପାଇଥିଲେ ଯେ କେନାଲ ରେ ଭାସି ଯାଇଥିବା ଖବର ପାଇଥିଲେ l ଖବର ପାଇ ପରଜଙ୍ଗ ଅଗ୍ନିଶମ ବାହିନୀ ପହଂଚି ରାତି ପର୍ଯ୍ୟନ୍ତ ଖୁଜାଖୁଜି କରିଥିଲେ ମଧ୍ୟ ଅନ୍ତର୍ଯ୍ୟାମୀକୁ ପାଇନଥିଲେ l ପରେ କେନାଲରେ ଅନ୍ତର୍ଯ୍ୟାମୀ ଗାଧୋଇବା ସ୍ଥାନରେ ତାଙ୍କର ଶବ ମିଳିଥିଲା l ଶବକୁ ବ୍ୟବଛେଦ ପାଇଁ ପରଜଙ୍ଗ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ପଠାଯାଇଛି l ଏ ନେଇ ଗ୍ରାମରେ ଶୋକାକୁଳ ପରିସ୍ଥିତି ସୃଷ୍ଟି ହୋଇଛି I