ମହିଳା ପୋଷ୍ଟମାଷ୍ଟରଙ୍କୁ ହତ୍ୟା : ସନ୍ଦେହରେ ପୁରୁଷ ବନ୍ଧୁ

ସୁନ୍ଦରଗଡ଼: ସୁନ୍ଦରଗଡ଼ ଜିଲ୍ଲା ଲେଫ୍ରିପଡ଼ା ଥାନା ଅନ୍ତର୍ଗତ କୁରୁମକେଲ ବେଲସରିଆପଡ଼ା ବିଲରୁ ଜଣେ ଯୁବତୀଙ୍କ ରକ୍ତାକ୍ତ ମୃତଦେହ ଉଦ୍ଧାର ହୋଇଛି। ତାଙ୍କୁ ଛୁରିରେ ଭୁସିବା ପରେ ପଥରରେ ଛେଚି ହତ୍ୟା କରାଯାଇଛି। ମୃତ ଯୁବତୀଙ୍କ ନାମ ସ୍ନିଗ୍ଧା ପ୍ରଧାନ I ସେ ଘର ହେମଗିର ବ୍ଲକ୍ ଟିକିଲିପଡା ଭଗୁଆ ପ୍ରଧାନଙ୍କ ଝିଅ I ଯୁବତୀଜଣକ ତେଲେନଡିହିରେ ପୋଷ୍ଟମାଷ୍ଟର ଥିଲେ। ପରିବାର ଲୋକଙ୍କ କହିବା ଅନୁସାରେ ଗତକାଲି ତାଙ୍କ ପୁରୁଷ ବନ୍ଧୁ କୁହାଯାଉଥିବା ଜଣେ ଯୁବକଙ୍କ ସହ ସାମାନ୍ୟ ଝଗଡ଼ା ହୋଇଥିଲା। ଏହା ପରଠାରୁ ସେ ନିଖୋଜ ହୋଇଯାଇଥିଲେ I ପରିବାର ଲୋକେ ଥାନାରେ ନିଖୋଜ ଅଭିଯୋଗ କରିଥିଲେ I ଆଜି ସକାଳୁ ଗାଁ ପାଖ ବିଲରୁ ତାଙ୍କ ମୃତଦେହ ଠାବ ହୋଇଛି I ହତ୍ୟାର କାରଣ ଅସ୍ପଷ୍ଟ ରହିଛି I ଘଟଣାସ୍ଥଳରେ ଲେଫ୍ରିପଡ଼ା ପୁଲିସ ପହଞ୍ଚି ତଦନ୍ତ ଆରମ୍ଭ କରିଛି I