ସିଦ୍ଧ ବଳରାମଜୀଉଙ୍କ ମନ୍ଦିରରେ କର୍କଟ ସଂକ୍ରାନ୍ତି ଓ ଚିତାଲାଗି ଅମାବାସ୍ୟା
ଢେଙ୍କାନାଳ,(ସା ଆ ମି ): କୈବଲ୍ୟ ବଜାରସ୍ଥିତ ସିଦ୍ଧ ବଳରାମଜୀଉଙ୍କ ମନ୍ଦିର ପ୍ରାଙ୍ଗଣରେ ଆଜି କର୍କଟ ସଂକ୍ରାନ୍ତି ଓ ଚିତାଲାଗି ଅମାବାସ୍ୟା ଥିବାରୁ ବିଶେଷ ପୂଜାର୍ଚ୍ଚନା କରାଯାଇଥିଲା। ପ୍ରାତଃରୁ ମଙ୍ଗଳ ଆଳତି, ମହାସ୍ନାନ ବସ୍ତ୍ର, ବିଭିନ୍ନ ଫୁଲ ଓ ତୁଳସୀ ହାର ଲାଗି କରାଯାଇଥିଲା। ବଲ୍ଲଭ ଭୋଗ ଲାଗି କରାଯାଇଥିଲା। ୧୦ଟାରେ ଖେଚେଡ଼ି ଭୋଗ ମଧ୍ୟାହ୍ନରେ ମଙ୍ଗଳା ଅର୍ପଣ ପୂଜା ଓ ବଳରାମଙ୍କୁ ଚିତାଲାଗି କରାଯାଇଥିଲା । ସେହିଥିରେ ଅନ୍ନ,ଖେଚେଡ଼ି, ଡାଲମା ଚିତଉପିଠା ଭୋଗ ଲାଗି କରାଯାଇଥିଲା । ସନ୍ଧ୍ୟାରେ ଆଳତି ଓ ରାତ୍ରଧୂପ ପରେ ପହଡ ପଡ଼ିବ। ପୂଜକ ମନସୁମନ ମିଶ୍ର ପାଳିଆସେବକ ଶମ୍ଭୁନାଥ ମହାପାତ୍ର, କାହାଳିଆ ଟିକନ ବେହେରା, ଜିମାଦାର ଶ୍ୟାମସୁନ୍ଦର ପାଣିଗ୍ରାହୀଙ୍କ ଉପସ୍ଥିତିରେ ଏହି ଚିତାଲାଗି ଅମାବାସ୍ୟା ନୀତି ସମ୍ପନ୍ନ କରାଯାଇଥିଲା l
