ଅଜଣା ଜନ୍ତୁ ଆକ୍ରମଣରେ ୪୦ ମେଣ୍ଢାଙ୍କ ମୃତ୍ୟୁ, ଲୋକେ ଆତଙ୍କିତ

ଢେଙ୍କାନାଳ,୧୫ା୭(ସା.ଆ.ମି.): ଢେଙ୍କାନାଳ ସଦର ବ୍ଲକ ସୋଗରପଶି ପଞ୍ଚାୟତ ଆରୋଦା ଗ୍ରାମ ସାଧୁ ଚରଣ ରାଉତଙ୍କ ଗୁହାଳରେ କୌଣସି ଅଜଣା ଜନ୍ତୁ
ପଶି ୪୦ ମେଣ୍ଢାଙ୍କ ଜୀବନ ନେଇଥିବାର ଜଣାପଡିଛି।

ସୂଚନା ମୁତାବକ ମେଣ୍ଢା ଶାଳନିକଟରେ ବନ୍ୟ ପ୍ରାଣୀପାଦ ଚିହ୍ନ ମଧ୍ୟ ଦେଖିବାକୁ ମିଳିଛି। ପ୍ରାଣୀବିଭାଗ, ବନବିଭାଗ ଘଟଣା ସମ୍ପର୍କରେ ତଦନ୍ତ ଜାରି ରଖିଛନ୍ତି। ସାଧୁ ଚରଣ ମେଣ୍ଢାପାଳନକୁ ବେଉସା କରି ପରିବାର ଚଳାଇ ଆସୁଥିଲେ। ଏବେ ସେ କିପରି ପରିବାର ଚଳାଇବେ ଓ ପରିବାରଟି ବଞ୍ଚିବ କିପରି ସେ ଏଥିନେଇ ଭାଙ୍ଗିପଡ଼ିଛନ୍ତି। ଏଭଳି ଘଟଣା ଢେଙ୍କାନାଳ ଜିଲାରେ କେବେ ଦେଖିବାକୁ ମିଳି ନ ଥିଲା। ଲୋକେ ଆତଙ୍କିତ ଅବସ୍ଥାରେ ଥିବାର ଜଣାପଡ଼ିଛି। ପ୍ରାଣୀଙ୍କ ସୁରକ୍ଷା ସହ ସାଧୁଚରଣଙ୍କୁ ସହାୟତା ପ୍ରଦାନ ପାଇଁ ଗ୍ରାମବାସୀ ପ୍ରଶାସନକୁ ଅନୁରୋଧ କରିଛନ୍ତି।