ହାଇୱା ଟ୍ରକ ଦୁର୍ଘଟଣାରେ ଯୁବକ ଗୁରୁତର

ଢେଙ୍କାନାଳ : ଓଡାପଡା ମୋଟଙ୍ଗା ଥାନା ଅଧୀନ ହିନ୍ଦୋଳରୋଡ଼ ଫାଣ୍ଡି ଅଞ୍ଚଳ ବଳରାମ ପ୍ରସାଦ(ପତଳା) ଗ୍ରାମର ଦିଲ୍ଲୀପ କୁମାର ସ୍ୱାଇଁ (43)ଗ୍ରାମ ନିକଟ ସରପାଯୋଡରେ ଗାଧୋଇ ଘରକୁ ଫେରୁ ଥିବାବେଳେ କଟକ ଦିଗରୁ ସମ୍ବଲପୁର ଦିଗକୁ ଯାଉଥିବା ଏକଦଶଚକିଆ ଟ୍ରକ ବଳରାମପ୍ରସାଦ ଠାରେ ଦିଲ୍ଲୀପଙ୍କୁ ଧକ୍କା ଦେଇଥିଲା I ସ୍ଥାନୀୟ ଲୋକେ ଦିଲ୍ଲୀପଙ୍କୁ ଗୁରୁତର ଅବସ୍ଥାରେ ଓଡାପଡା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତି କରାଇଥିଲେ I ତାଙ୍କର ଅବସ୍ଥା ଅତ୍ୟନ୍ତ ଶଙ୍କଟାପର୍ଣ୍ଣ ହେବାରୁ ଡାକ୍ତର ତାଙ୍କୁ ଢେଙ୍କାନାଳ ଜିଲ୍ଲା ମୁଖ୍ୟଡାକ୍ତର ଖାନା ଓ ପରେ କଟକ ସ୍ଥାନାନ୍ତର କରାଯାଇଥିବାର ଜଣାପଡିଛି I ଖବର ପାଇ ହିନ୍ଦୋଳ ରୋଡ଼ ଫାଣ୍ଡି ଅଧିକାରୀ ଘଟଣାସ୍ଥଳରେ ପହଞ୍ଚି ଦୁର୍ଘଟଣା ଘଟାଇଥିବା ହାଇୱା ଟ୍ରକଟିକୁ ଜବତ କରି ତଦନ୍ତ ଜାରୀ ରଖିଛି I