ଢେଙ୍କାନାଳରେFES ର ବନମହୋତ୍ସବ ସପ୍ତାହ
ଢେଙ୍କାନାଳ ସମଗ୍ର ଜିଲ୍ଲାରେ ଜୁଲାଇ ୧ ତାରିଖ ଠାରୁ ୭ ତାରିଖ ପର୍ଯ୍ୟନ୍ତ ଗ୍ରାମ ସ୍ତରରୁ ଜିଲ୍ଲାସ୍ତର ପର୍ଯ୍ୟନ୍ତ ବିଭିନ୍ନ ଢଙ୍ଗରେ ବନମହୋତ୍ସବ ସପ୍ତାହ ପାଳିତ ହୋଇଯାଇଛି l ଜିଲ୍ଲାର ଆଠଗୋଟି ବ୍ଲକର ବିଭିନ୍ନ ସ୍ଥାନରେ ଜନ ସଚେତନତା ସଭା, ବୃକ୍ଷରୋପଣ, ପଦଯାତ୍ରା, ସାଇକେଲ ଓ ବାଇକ ରାଲି କରାଯାଇଥିଲା l ମାଟିରେ ତିଆରି ପେଣ୍ଡୁ ଭିତରେ ମଞ୍ଜି ପୁରାଇ
ପ୍ରସ୍ତୁତ ସିଡବଲ ଜଙ୍ଗଲ ତଥା ବୃକ୍ଷର ଆବଶ୍ୟକ ସ୍ଥାନରେ ରଖାଯାଇଛି l କାର୍ଯ୍ୟକ୍ରମରେ ବିଭିନ୍ନ ବର୍ଗର ଅଧିବାସୀ
ବିଭାଗୀୟ ଅଧିକାରୀ, କର୍ମଚାରୀମାନେ ଯୋଗ ଦେଇଥିଲେ l
ଜଙ୍ଗଲ ଅଧିକାର, ସଂରକ୍ଷଣ, ସୁରକ୍ଷା, ବ୍ୟବହାର, ଅଧିକାର ପତ୍ର ଉପରେ ମଧ୍ୟ ସଚେତନ କରାଯାଇଥିଲା l ଛାତ୍ର, ଯୁବକ, ମହିଳା, ବରିଷ୍ଠ ନାଗରିକ, ବନବାସୀ, ଜନପ୍ରତିନିଧି, ବିଭାଗୀୟ ଅଧିକାରୀମାନେ ମିଶି ମହୋତ୍ସବକୁ ସଫଳତାର ସହ ପାଳନ କରିଛନ୍ତି l
