ଆଇପିଏସ୍ ସ୍ତରରେ ଅଦଳବଦଳ
ଭୁବନେଶ୍ୱର: ରାଜ୍ୟ ସରକାର ଆଜି ଆଇପିଏସ୍ ସ୍ତରରେ ଏକ ଛୋଟଧରଣର ଅଦଳବଦଳ କରିଛନ୍ତି | ଗୃହ ବିଭାଗରୁ ମିଳିଥିବା ସୂଚନା ମୁତାବକ ଆଇଜି, ଏଚଆରପିସି ଥିବା ସଫିନ ଅହମ୍ମଦଙ୍କୁ କ୍ରାଇମବ୍ରାଞ୍ଚର ଆଇଜି ଭାବେ ବଦଳି କରାଯାଇଥିବାବେଳେ ଡ଼ିଆଇଜି (ହେଡକ୍ୱାଟର୍ସ) ଥିବା ଡ଼.ସାର୍ଥକ ଷଡ଼ଙ୍ଗୀଙ୍କୁ ଅଗ୍ନିଶମ ଓ ହୋମଗାର୍ଡର ଡ଼ିଆଇଜି ଭାବେ ଅବସ୍ଥାପିତ କରାଯାଇଛି। ବର୍ତ୍ତମାନ ଡ଼ିଆଇଜି (କମ୍ୟୁଟର) ଥିବା ସତ୍ୟଜିତ ନାୟକଙ୍କୁ ଏଚଆରପିସିର ଡ଼ିଆଇଜି ଭାବେ ବଦଳି କରାଯାଇଛି | ସେହିପରି କଟକ ଏସପି ଥିବା ଯୁଗଳ କିଶୋର ବନଥଙ୍କୁ ଆଡିସନାଲ ଆଇଜି ହେଡକ୍ୱାଟର୍ସ ଓ ହେଡକ୍ୱାଟର୍ସ ଏସପି ଥିବା ରାହୁଲ ଜୈନଙ୍କୁ ନୟାଗଡ ଏସପି ଭାବେ ବଦଳି କରାଯାଇଛି | ସେହିପରି ମିହିର କୁମାର ପଣ୍ଡାଙ୍କୁ କଟକ ଏସପି ଭାବେ ଅବସ୍ଥାପିତ କରାଯାଇଛି |
