ଗେଷ୍ଟହାଉସରେ ହାଉସକିପରଙ୍କ ମୃତ୍ୟୁ

ବାଲେଶ୍ବର: ବାଲେଶ୍ବରରେ ଆଜି ଏକ ଅଭାବନୀୟ ଘଟଣା ଘଟଛି। ସହରର ରାଜାବଗିଚା ଟାଟା ପାୱାର ଗେଷ୍ଟ ହାଉସର ହାଉସକିପରଙ୍କ ମୃତ୍ୟୁ ହୋଇଛି। ମୃତକଙ୍କ ନାଁ ରାମଗୋପାଳ ଦାଶ। ୨ ବର୍ଷ ଧରି ଟାଟା ପାଓ୍ବାର ଗେଷ୍ଟ ହାଉସରେ ସେ ହାଉସ୍ କିପର ଭାବେ କାର୍ଯ୍ୟ କରୁଥିଲେ। ଆଜି ତାଙ୍କର ଝୁଲନ୍ତା ମୃତଦେହ ଉଦ୍ଧାର କରିଛି ପୁଲିସ। ତେବେ ଏହା ହତ୍ୟା ନୁହେଁ, ବରଂ ଆତ୍ମହତ୍ୟା ବୋଲି ରାମଗୋପାଳଙ୍କ ପରିବାର ପକ୍ଷରୁ ଅଭିଯୋଗ ହୋଇଛି।
ପରିବାରର ଅଭିଯୋଗ ଅନୁଯାୟୀ, ଟାଟା ପାୱାରର କେତେକ ନିର୍ଦ୍ଧିଷ୍ଟ ଅଧିକାରୀ ଏହି ଗେଷ୍ଟହାଉସରେ ବାହାରୁ ଝିଅମାନଙ୍କୁ ଆଣି ସେଠାରେ ସହ ରାତ୍ରିଯାପନ କରୁଥିଲେ। ହେଲେ ରାମଗୋପାଳ ଦାଶ ଏହାକୁ ନେଇ ଅନେକ ଥର ପ୍ରତିବାଦ କରିଥିଲେ। ଏକଥା ପ୍ରଘଟ କଲେ ଜୀବନରୁ ମାରିଦେବାକୁ ରାମଗୋପାଳଙ୍କୁ ଧମକ ଦିଆଯାଉଥିଲା। ଏହି ଭୟରେ ବାଲେଶ୍ବର ଜିଲ୍ଲା ମୁଖୁରା ପଞ୍ଚାୟତ ରହଣି ଗାଁର ରାମ ଗୋପାଳ ଦାଶଙ୍କୁ ହତ୍ୟା କରାଯାଇଥିବା ଅଭିଯୋଗ ଆଣିଛନ୍ତି ପରିବାର। ମୃତକଙ୍କ ଦାଦାଙ୍କ ଲିଖିତ ଏତଲା ଅନୁଯାୟୀ ଗେଷ୍ଟ ହାଉସର ସିକ୍ୟୁରିଟି ଓ ଅନ୍ୟମାନେ ମିଶି ତାଙ୍କୁ ମାରିଛନ୍ତି। ଏହାକୁ ଆତ୍ମହତ୍ୟାର ରୂପ ଦେବାକୁ ଗଛରେ ଟାଙ୍ଗି ଦେଇଥିବା ମଧ୍ୟ ଅଭିଯୋଗ ହୋଇଛି। ଘଟଣାସ୍ଥଳରେ ସହଦେବ ଖୁଣ୍ଟା ଥାନା ପୁଲିସ ଓ ସାଇଣ୍ଟିଫିକ୍ ଟିମ୍ ତଦନ୍ତ ଆରମ୍ଭ କରିଛି।