ରେଲୱେ ଟ୍ରାକରେ ପଡ଼ିରହିଛି ମୃତଦେହ
ଢେଙ୍କାନାଳ : ମୋଟଙ୍ଗା ଥାନା ଅଞ୍ଚଳ ହିନ୍ଦୋଳ ରୋଡ଼ ରେଳଷ୍ଟେସନ ପରିସରରେ ଜଣେ ବ୍ୟକ୍ତିଙ୍କର ଗଣ୍ଡିରୁମୁଣ୍ଡ ଅଲଗା ଅବସ୍ଥାରେ ରେଲୱେ ଟ୍ରାକରେ ପଡ଼ିରହିଛି I ଘଟଣାଟି ଗତକାଲି ବିଳମ୍ବିତ ରାତିର ବୋଲି ଜଣାପଡିଛି I ଭାରତୀୟ ରେଳସେବା ସୁରକ୍ଷା ବ୍ୟବସ୍ଥାର ବେପାରୁଆ ପଣିଆରୁ ବ୍ୟକ୍ତି ଜଣଙ୍କର ବିଖଣ୍ଡିତ ଶରୀର ପଡିରହିଥିବା ବେଳେ ତା ଉପରେ ରେଳଗାଡ଼ିଗୁଡିକ ଯାତାୟତ ମଧ୍ୟ କରୁଛି I ଘଟଣା ଘଟିବାର ସମୟ ବ୍ୟବଧାନ ବଢୁଥିଲେ ମଧ୍ୟ ବ୍ୟକ୍ତିଙ୍କର ସନ୍ଧାନ ଏପର୍ଯ୍ୟନ୍ତ ଜଣାପଡ଼ିନାହିଁ I ଖୋଦ ଷ୍ଟେସନ ପରିସରରେ ଯେଉଁଠି ଅହର୍ନିସୀ ସିସିଟିଭି କ୍ୟାମେରା ଓ କଡା ସୁରକ୍ଷା ବ୍ୟବସ୍ଥା ମହଜୁଦ I କିନ୍ତୁ ଏଭଳି ଅଘଟଣ ସ୍ଥାନୀୟ ଅଞ୍ଚଳରେ ଚର୍ଚ୍ଚା ଜୋର ଧରିଥିବାବେଳେ ବୁଦ୍ଧିଜୀବୀମାନେ ନିନ୍ଦା କରିଛନ୍ତି I ଦେଖାଯାଉ ରେଲ କର୍ତୃପକ୍ଷ ଘଟଣା ଉପରେ କିପରି କାର୍ଯ୍ୟାନୁଷ୍ଠାନ ଗ୍ରହଣ କରୁଛି I
